29.7.07

Komentar

nyong_gogos on July 19 2007 06:41:24 --------------- kas tinggal dong om siake, dong balaga minta maaf macam katong ana-ana nai badang ni, opa-opa yang su bajalang deng tongka, usi-usi deng kaka-kaka yang ada banting tulang setengah mati deng samua dalam nagari ni salah samua, pici par buku jari tu, dong bikin la jakarta tamba tar mister deng katong sakali, dong minta maaf macam katorang ni su seng ada harga diri lai.. woe yang malu tu bukang katong ni basudara maluku.. yang malu kamong tu yang tar bisa jaga akang nagari sapanggal ni, kamong dudu disini par kas badiri pos2 abis itu dapa uang sanang2 dar negara la abis itu bilang kata ni katong samua pung salah..istaga e kamong su tar urus akang kota sapanggal ni.. baru bilang katong samua salah, beta bosan o lia kamong... ini su macam dong satu deng satu baku lia par cari muka dijakarta la biar dong bilang ee.. antua ini boleh sadap... dong seng inga Sukarno pung tabaos di Masohi tu. Sio indonesia ni kalo seng ada maluku.. akang anyor macam parau su seng ada orang.. seng ada layar lai.. la lia orang seram bilang kata akang hutu manlia.. manlau.. iko saaru pung anyo.. -------------------- dan macam om siake bilang tu..."Kalo diminta telinga dan hati nurani jangan dolo tuan-tuan langsung kasih tangan untuk membantu. Yang diperlukan adalah kehadiran tuan-tuan untuk mendengar dan merasakan. ”Bapa’ee seng perlu kasih apapa, yang penting Bapa dong su dengar katong pung persungutan”.itu yang katong mau.. dengar dolo.. katong tau lai bapa2 dong urusan banya.. katong mangarti.. yang penting adalah katong masih dianggap orang maluku lai seng hanya perwakilan sa... ---------------------- Astaga banya lae ana e.. seng apa2 jua pagi2 dudu baca om siake pung ini tulisan ni cocok deng katong pung hati yang ada gorinda tarus tiap hari ---------------------- john mauritzs latuihamallo on July 19 2007 10:31:10 ----------------------- katong gantong runut di katong pung kintal sa dong su takotang sampe saparu su mau pi minta ampong atas nama tetenene moyang sampe denga anana cucu yang balong lahir, kong orang datang bakar pageti di katong pung tenga-tenga dusong dati dong kaslanjar taruuus .. ahhh beta jadi bingong lai ... ---------------------- Tata Ferry on July 26 2007 08:11:38 ---------------------- Pemerintah harus melayani rayatnya. tetapi bukan melayani dirinya sendiri, hingga perut gedeh, leher tabal dan milik pribadi secara rumah dan kintal hebat. lalu rayat tinggal melayani terus, sampe rayat kurus deng seng punbg hasil apa apa lai. Dari dolo sampe sakarang tetap istilahnya: Yang kaya tamba kaya, yang miskin lebih miskin....Dimuka pemilihan proyek Impres timbul kiri -kanan. Sehabisnya proyek Impres macet hingga berenti. Pemerintah sebagai orang tua harus melayani dan juga pasang kuping par dengar anana. Jangan cuma tuntut ana selalu dengar orang totua...Laeng mengasehi laeng supaya rumah tangga selalu aman....kalo tidak anana marontak. lalu bilang anana sala, terus mulai pukul camparadu deng bataria sabarang saja...Untung bae anana cakalele pake parang parang kayu...klau tida kuping yang seng mau dengar talapas......lalu sapa mau tempel akang lai.....